عاشت مصر حره

عاشت مصر حره مستقلة ......
عاشت مصر عبده مستغله ....
عاشت مصر ولا ماتت ... مش حتفرق ...
مش قالولك كل حاجه مستقره ؟؟
مش قالولك لسه فيها الخير ببسري ؟؟؟
مش قالولك ان لسه النيل بيجري ؟؟؟
طب رغيف العيش ..... مفيش
طب وفين الجيش ؟؟ .... مفيش
وطب ونعمل ايه ؟؟ .... حشيش
يبقى لازم تبقى حره ....
هي عاشت ولا ماتت برده حره ....
تدي خير .... او تدي غير ....ولاد بلدها ...هي حره ...
هي حره وبراحتها ....
جوه بيتها ...بره بيتها ....
ف انتصارها ...وف خيبتها ....هي حره ...
تبقى ملكه ...لابسه تاج ... . مش محتاجاك .... هي حره ...
تبقى حتى بنت ليل ... تسهر معاك ... هي حره ...
قلت مره .... في المظاهره ....
ايوه عاشت مصر حره ..... طلعت بره ....
من يوميها .... لسه بره ...وهي حره ...
ابقى جوه....ابقى بره ....
واتحرم من ارضها كل يوم ييجي الف مره .... وهي حره ...
هي مش لما الجميله بتفتقر .... تقلع هدومها وتبقى ارما ....
حتى لما بقت لادوس ... مفيش فلوس ...
امتى نصحى من الكابوس .... ؟؟؟
امتى نفهم م الدروس ...؟؟؟
امتى نبقى في المجره ؟؟؟؟

بس رغم كل حاجه ....

برده عاشت مصر حره ... الف مره ...

أحمد أبوزيد    6 ابريل 2008

لســـــــــه باقي ...

لســـــــــــــــه بــــاقي .....   جــــــــــــوّه قلبـــــــي  .....

من هـــــــــــــــــــوانــــــــــا حاجــــــــات كتيــــــــــــــــر

لســـــــــــــــه دايب .....   لســـــــــــــــه عــــاشق  ....

لســــــــــه برضـــــه  عليـــــــــك   بغيــــــــــــــــــــر


لســــه بحلم باللي فــــــــــــــــات

واللي كان وف لحظــــه مـــــات

واللي  دوّب  قلبـــــي  يـــــامـــــا

لســـــه باقـــــي  ذكريــــــــــات

)()()()()(

لســــه باقــــي  فيــــــّــا  همســـــــــــــــــه

باقـــــي  فيــــــــّــا  أحلــــى  لمســــــــــــه

باقــــي منّــــــك  فيّـــــــا  آهــــــه

دوبتنـــــــي  سنيــــن  وراهــــــــا

وجـــت  وراهــــــــــــا   ....   كتيـــــــــــــــــــر  آهــــــــــــــات

لســــه بحلم باللي فــــــــــــــــات

واللي كان وف لحظــــه مـــــات

واللي  دوّب  قلبـــــي  يـــــامـــــا

لســـــه باقـــــي  ذكريــــــــــات

)()()()()(

لســــه عايـــــش  بالحنيـــــــــــــــــــن

أيـــــوه  دايب من سنيـــــــــــــــــــــن

واللي سهــــــرني  الليــــــــــــــالي

كلمـــــه حلـــــــوه  قولتهـــــــالي

ورحـــــت غــــــــــــايب  ...... مـــــــــــن  سكــــــــــــــــــــات

لســــه بحلم باللي فــــــــــــــــات

واللي كان وف لحظــــه مـــــات

واللي  دوّب  قلبـــــي  يـــــامـــــا

لســـــه باقـــــي  ذكريــــــــــات

)()()()()(

2005

بلسم الحسيني ... ايامنا الحلوة

عادت الفنانه المطربة ( بلسم )  الى فرقتها التي تعتبر هي احد مؤسسيها  .... فرقة أيامنا الحلوة  ...  حيث تشدو باغنية صباح (  يانا يانا )  في حفل الفرقة في ساقية الصاوي ...مساء الجمعة  7  مارس 2008 ... وجدير بالذكر انه الحفل الاول لها بعد  ان تزوجت منذ  شهرين  بالفنان كريم الحسيني  ....  يقام الحفل في تمام الثامنة مساءا  .....  ويشارك في الحفل الفنان على الالفي والفنان شريف اسماعيل  والملحن نادر نور  والمطربة ( المذيعة )  سلمى صباحي  ... والعديد من نجوم الغناء  ... تحت قيادة الفنان المايسترو محمد عثمان  ....وقد اشتهرت المطربه بلسم بغناء اعمال الفنانه العظيمة سعاد حسني ...
 والذي كان له اثرا كبيرا على جماهير الفرقة من اعجاب وتقدير طوال السنوات الماضية....
 وهي غدا تخوض تجربة جديدة في غناء احد اعمال الفنانه صباح 
وحشتينا يا بلسم

كريم الحسيني

ينتهي النجم الفنان الصاعد كريم الحسيني من تصوير مسلسله الجديد ( كلمة حق  ) خلال ايام،  والذي تقوم ببطولته الفنانه الجميله ميرفت أمين  ... ويقوم الفنان كريم الحسيني بدور (ايهاب)  ابن ميرفت امين ، ومن المقرر عرض المسلسل في رمضان القادم ، ويستعد للبدء في تصوير مسلسل جديد ...  لم يصرح باية اخبار عنه وقال انه مفاجأة  ...  كما قال ان هناك  عدة اعمال جديده سواءا في الفيديو او السينما ولكنها جميعا تحت الدراسه حيث انه يفضل التأني في اختيار الادوار حتى يحافظ على خطواته الفنية .
قريبا  تاريخ الفنان كريم الحسيني الفني  

أحلى حقيقة ( ديو )

أحلى حقيقة


( ولد ) بيني وبينك حلم وياما حلمنا نعيشه حقيقه ........ ايدي ف ايدك أحلى حقيقه
( بنت ) بيني وبينك كلمة وياما خدتنا ف لحظه بريئه ......... ايدي ف ايدك أحلى حقيقه

يالا نعيش ونكمل بعض .... يالا نحب ونوعد بعض .... يالانحس بكل الدنيا بترسم لينا طريق ....
يالا نحقق اجمل وعد ..... يالا نقرب ننسى البعد ..... يالا نحب الدنيا بحالها نحقق حلم بريء....
يالا خلاص .... ولا تسواش ... الدنيا نعيشها بعيد عن بعض ...

( ولد ) انتي فاكره لما مره ... قلبي قالك كلمة مره .....
كنتي خايفه يوم اسيبك .... كنتي خايفه من حبيبك .. بس دايما كنتي عارفه مين نصيبك ..
يالا سيبك .... شوفي ايدك .... فيها دبله من خطيبك ...
يعني عمري ف يوم ما اسيبك

يالا نعيش ونكمل بعض .... يالا نحب ونوعد بعض .... يالانحس بكل الدنيا بترسم لينا طريق ....
يالا نحقق اجمل وعد ..... يالا نقرب ننسى البعد ..... يالا نحب الدنيا بحالها نحقق حلم بريء....
يالا خلاص .... ولا تسواش ... الدنيا نعيشها بعيد عن بعض ...

( بنت ) وانت فاكر لما كنا ... نشوف حبايب تاني غيرنا ...
كنت خايف قلبي يبعد ... كنت خايف قلبي يعند ... بس دايما كنت عارف فين مكانك ...
قلبي جالك ... جاي عشانك ... حلم عمره ماكان ف بالك ...
يعني غني وعيش حياتك

يالا نعيش ونكمل بعض .... يالا نحب ونوعد بعض .... يالانحس بكل الدنيا بترسم لينا طريق ....
يالا نحقق اجمل وعد ..... يالا نقرب ننسى البعد ..... يالا نحب الدنيا بحالها نحقق حلم بريء....
يالا خلاص .... ولا تسواش ... الدنيا نعيشها بعيد عن بعض ...

( كلماتي  والحان محمد خلف وغناء بلسم وكريم الحسيني  -  خرجت للنور  يوم 9 فبراير 2005 يوم خطوبة بلسم وكريم )

كلمني عنها

كلمني عنها ...


كلمني عنها  ....  قولي ايه اخرتها معاها  ....

قولي ايه بس اللي شغلها ...

واحكيلي عنها  .... قولي ايه فاضل جواها ....

قولي ليه انا مش  على بالها ... ؟


روح قولها ... انا  قلبي  عايش  عندها ...

روح  قولها  ...  انا كل نبضه  ف  قلبها   ...

انا  من سنين ....  دايب حنين ....

رغم  البعاااااد  ....

انا  لســه  برضه  بحبهـــــــــــا

)(  )(  )(

فهمني  قول  .... ايه  اللي  غير  قلبهــــا  ؟

فهمني  قول ....  لو تنسى قلبي يقولها

واسألها  عني  ميت  سؤال

اسألها  ليه .. انا  من  زمان  صدقتها ؟؟

روح قولها ... انا  قلبي  عايش  عندها ...

روح  قولها  ...  انا كل نبضه  ف  قلبها   ...

انا  من سنين ....  دايب حنين ....

رغم  البعاااااد  ....

انا  لســه  برضه  بحبهـــــــــــا

)(  )(  )(

البغبغان

قصيدة إيمان البكري
آخر بيان للبغبغان اللي ف بلاد العم سام كان بهبهوني مافهمناهوش
بعبع وقال بقين كلام والمعني إيه ماعرفناهوش
معقول يكون البغبغان اللي تبغبغ من زمان صماويل جنابه اتلخلخوا
طول عمره سايق في الجنان والعقل عامل شقلبان قام جاب له أورطة يمغمغوا
عملوا وطن من غير بيبان اتملكوا فيه الغيلان ووطن جعان ازاي ينام والطمعجية ف خيره ناموا وأنتخوا
والبغبغان يكره يموت يسمع سكوت المخروسين إن قلت بم قفاك يرن عليه أيادي المحروسين
بيجرجروك أنت وذووك زي الخروف ويسمعوك يادي الكسوف لستة كلام !! ماأبوخه
والبغبغان اللي تبغبغ كل من قرب حداه اتبغبغوا
جوم طرمخوا ع الطرمخان واللي يطرمخ يبسطه وينغنغو
وف مجلس البغابيغ بنلقي البغغان قاعد يبغبغ بالكلام يضحك وهما يسخسخوا
ماتقلش يعني البغبغان اللي ف بلاد الألعبان هوا اللي كان بيزغزغو
إلهي يهدي البغبغان واللي تبغبغ يوم معاه تقصف رقبته ودغدغو
وإلهي يوم المعمعان ألقاه هناك وكتير معاه م البغابيغ اللي افتروا يوم أو بغوا
ياخلق لأو اللأه قوم اتلحلحوا
شوفوا الكلاب !! حتي الكلاب لو شافوا يوم واحد حرامي بينبحوا
وانتو اللي مسروق عمركم
وانتوا اللي ضايع حلمكم
ولا حتي يوم تتلحلحوا
ونصيحتي ليكم تروحوا
سبحانه من حكم عليكو البغبغان
تستاهلو ميت مليون كمان
وان شفتم مرة بغابيغ جايين عشان يبغبغوكم
اتبغبغوا